«Пуцін быў на мяжы жыцця і смерці»

Эксперт распавёў аб крытычным моманце ў біяграфіі кіраўніка РФ.

Чуткі аб смерці кіраўніка РФ Уладзіміра Пуціна не адпавядаюць рэчаіснасці. Аднак увосень 2023 года, калі яны распаўсюдзіліся, у кіраўніка Расеі сапраўды быў крытычны момант.

Пра гэта распавёў вядомы расейскі філосаф Андрэй Космач у інтэрв'ю блогеру Марку Фейгіну.

«Пуцін жывы. Некаторыя мяркуюць, што адбыўся нейкі водкуп смерці. Водкуп смярцямі сотняў тысяч… Іншыя мяркуюць, што ў Пуціна місія - канчаткова і беззваротна разваліць Расею, убіць апошні цвік у вечка гэтай трухлявай труны», - распавёў эксперт.

Ён выказаў меркаванне, што палітолаг Валер Салавей, які распаўсюджвае чуткі аб смерці дыктатара, проста паспяшаўся, выдаўшы сапраўднае за жаданае.

«Дыму без агню не бывае. 26 кастрычніка 2023 года Пуцін апынуўся ў стане, які лекары называюць «паміж жыццём і смерцю». Што стала прычынай, невядома. Адны кажуць, што ў яго была эндагенная інтаксікацыя, іншыя, што метастазы, выкліканыя пухліннымі працэсамі. А трэція ўвогуле кажуць - уздзеянне атрутнай субстанцыі», - распавёў Космач.

Ён запэўнівае, што гэтая падзея зрынула ў шок крамлёўскіх насельнікаў, а некаторыя з іх нават пачалі праяўляць актыўнасць.

Асабліва Мікалай Патрушаў вызначыўся, пачаўшы свяціцца ў публічнай прасторы. Аднак спадзяванні на смерць дыктатара не спраўдзіліся.

«7 лістапада пацыент, відавочна, не без дапамогі незямных сіл расплюшчыў вочы. Пасля гэтага Пуцін моцна змяніўся, стаў іншым, перастаў трымаць руку на пульсе падзей і перастаў кіраваць працэсамі, якія раней не давяраў нікому. Самае галоўнае - ён перастаў быць крамлёўскім Аль Капонэ, арбітрам сярод крамлёўскіх груповак», - распавёў філосаф.

З ягоных слоў, для Расеі вельмі дрэнна, што Пуцін змог выжыць. «Калі я пачуў навіну аб смерці Пуціна, (...) я падумаў, што фатальнае апусканне на максімальную глыбіню бездані хард хорару спынілася, у нас з'явіўся шанец падняцца на паверхню з невялікімі стратамі. Але, на жаль! (...) Пуцін жывы. Апусканне працягваецца. Усё самае жудаснае нас чакае наперадзе ... У 1917 і 1991 гадах мы праходзілі цыклічны сцэнар развіцця і амаль ушчыльную падыходзілі да пункту біфуркацыі. Але ў нейкі момант з незразумелых прычын пачыналі аддаляцца ад яе… І вось зараз трэцім разам мы ўшчыльную падышлі да пункту асаблівай далікатнасці… Пуцінская сістэма вычарпала сябе. Энтрапія планамерна і метадычна рухаецца да сваіх максімальных межаў, элементы ўсё менш і менш падпарадкоўваюцца парадку, а далей адбываецца амплітудны ўсплёск і разрыў цыклу», - папярэдзіў Касмач.