Студэнтка хацела заарэндаваць жыллё, але пазбавілася свайго ашчадку

"Уладальніца" кватэры была вельмі пераканаўчая.

19-гадовая студэнтка на адной вядомай інтэрнэт-пляцоўцы знайшла аб'яву аб здачы кватэры ў арэнду. Праглядзеўшы аб'яву, дзяўчына зразумела, што яе ўсё задавальняе, пасля чаго звязалася з уладальніцай жылля. Падчас перапіскі з арэндадаўцам была дасягнута дамоўленасць.

Як паведамляе Баранавіцкі ГАУС, пры гэтым «псеўдаўладальніца» кватэры была вельмі пераканаўчая і папрасіла папярэднюю аплату. Заяўніца перавяла на рахунак 350 рублёў. Пасля чаго на сувязь з ёй ніхто не выйшаў. Студэнтка зразумела, што яе падманулі і звярнулася ў міліцыю.

На аналагічныя хітрыкі махляроў трапіла 24-гадовая мясцовая жыхарка. Пацярпелая таксама ў якасці папярэдняй аплаты за пражыванне пералічыла 350 рублёў. Агульная сума, якой завалодалі зламыснікі, склала 700 рублёў.